~ّ~ السلام عليكم ورحمة الله وبركاته ~ّ~
كتاب عايزة اتجوز للكاتبه /غاده عبد العال
المقدمة ...
خلینا نتفق الأول ان موضوع الجواز و العرسان و تأخر الجواز ده موضوع حساس جدا..
وصعب جدا انكوا تلاقوا حد بیتكلم فیھ بصراحة..خصوصا بالنسبة للبنات....لأن اللي بتتكلم فیھ بصراحة یا إما بیتبصلھا على إنھا قلیلة الأدب و ماتربتش ..
یا إما على انھا مسروعة ع الجواز ..
یا إما على انھا بارت و مش لاقیھ حد یتجوزھا..
عشان كده تلاقوا بنات كتیر بتقول.. جواز ایھ بلا نیلة ..یعني ھم اللي اتجوزوا كانوا خدوا ایھ...
انا قاعده في بیت أبویا معززة مكرمة ایھ اللي یخلیني أروح أتبھدل مع حد ماعرفوش..
أنا ما بفكرش في الجواز دلوقتي لما أبني مستقبلي ..
والجملة المستھلكة في كل الأفلام العربیة .."لما
أحقق ذاتي
""...
مش عارفھ ایھ ذاتھا دي و تحققھا ازاي یعني
یمكن فیھ بنات كتیر لیھم طموح في دراستھم و في شغلھم
..
لكن أتحدي ان أي واحدة فیھم مایكونش طموحھا الأول انھا تبقى زوجھ ..
على الأقل لأن دي الطریقة الوحیده اللي تخلیھا تبقى أم
نتفق بقھ على أسس تانیة مھمة
....عدد البنات في مصر أكبر من عدد الرجالھ
دي نقطة أساسیة مش عایزة أي حد یناقشني فیھا
و سیبوكوا بقھ من إحصائیات الحكومة اللي بتقولك عدد الإتنین زي بعض
..
لأن دي إحصائیات عاملة بالظبط زي درجات الحرارة اللي بیعلنوھا في النشرة
یعني الناس بتحلف بالطلاق ان الحرارة أكید فوق ال 45 ..
و ھما لا یمكن یزودوھا عن 38 ..
أنا لیا واحد صاحب بابا قاللي ممنوع یذیعوا ان الحرارة فوق ال 42
عشان السیاحة ماتنضربش والسیاح مایھربوش
موضوع نسبة الإناث للذكور برده فیھا لعب بالطریقة دي
.. لیھ بقھ النسبة أكبر؟
أقولكم
موضوع الستات اللي بیقعدوا یخلفوا عشان یجیبوا الولد
..
یعني فیھ عائلات كتیرة تلاقیھا كده.. 4 بنات وولد.. 5بنات وولد.. 6 بنات وولد ..و ھكذا...
و تفضل الست تخلف تخلف عشان البأف جوزھا یجیلھ الواد..
یجیبوا یعمل بیھ ایھ؟ ماتعرفش ..
وبیجي في الآخر خایب و نایب و یقعدوا یدلعوا فیھ لما یطلع فسدان
و یضیعھلم اللي وراھم و اللي قدامھم و اللي جنبھم كمان...
ما علینا ده موضوع تاني..
بس أي حد بیدرس أو درس في أي كلیة في جامعات مصر
ھیلاحظ ان عدد البنات في أي كلیة أكبر من عدد الولاد ..
في كلیتي مثلا كانوا تلتین العدد بنات و التلت ولاد ..یعني الضعف
نقطة تانیة
..
الرجالة بقوا حاسین بنفسھم و بیتكبروا على خلق لله من البنات
( یقعدلھم في عینھم و عافیتھم یا رب )
و تلقي الراجل قاعد ھو و أمھ یتشرطوا ...
لازم تبقى بیضا و شعرھا بني و عینیھا عسلي و شبھ نیللي كریم ..
لله یخرب بیوتكم طب بص لنفسك یا خویا في المرایھ الأول ..
طب بلاش بیقولوا الراجل مایعیبوش الا جیبھ
علبة ملبس
..ألا لأ البعید ھو و امھ طب شبرقنا كده و ادخل في ایدك انشا
یروحوا یشوفوا العروسة الغلبانھ اللي أھلھا صارفین علیھا الشئ الفلاني و مكلفین
قعدة التعارف دي شئ و شویات
..
رایحین إید ورا و إید قدام و البت مافیھاش أي
عیب و یقولولكم
لأ أصلھا مش شبھ نیللي كریم قوي دي قالبھ شویة على نجلاء فتحي و انا مابحبش النوع ده ..ت
قولش حسین فھمي رایح یتقدم للبت لأ و الأفراح
..نككككتة..
زمان كنتوا تشوفوا في الأفلام العربي أي بنت تدخل فرح و ھي لابسھ شیك كده شویة ..
یتلموا علیھا الشبان و یبقوا عایزین یاكلوھا .. و ما
تخرجش من الفرح إلا بعریس
..
دلوقتي نفس التجمعات بس بالعكس ...
تلاقي كل أم قاعده ھي و بناتھا مراقبین الشباب و یاویلھ اللي یعدي جنبھم...
طارق ..إزیك یا ولد ..مش تیجي تسلم على بنات خالتك شوف بقوا حلوین إزاي؟...
أنا مش طارق یا طنط وأنا متھیألي كده حضرتك مش خالتي ...صحیح؟
معلش یا حبیبي العتب ع النظر طب ما تعرفنا على نفسك كده ..
یمكن ربنا یحبك و یبقالك نصیب معانا
طبعا الواد یا إما بیطلع یجري
..یا إما حد من صحابھ بیاخد بالھ من الكمین اللي وقع فیھ ویجي ینقذه على أساس في حد عایزة و كده
طبعا ده غیر اللف اللي بیقعدوا البنات یلفوه حوالین العروسة عشان یبقوا واضحین لكل اللي في القاعة من كل الجھات
..
و لما بیقف اللف تلاقیھم یزقوا في بعض أو یعملوا انھم بیعدلوا للعروسة فستانھا أو طرحتھا عشان یطلعوا في الفیدیو..
و یحاولوا یطلعوا في أكبر عدد ممكن من الصور ..
یمكن یعجبوا حد و یتكل على لله و ینتشلھم
من عالم الآنسات
الكلام ده كلھ على فكرة مش المفروض تضحكوا علیھ
..
و لله البنات دول غلابة
زمان ما كانش مطلوب من أي بنت غیر انھا تحترم نفسھا و تقعد في بیت أبوھا و تستنا العدل اللي بیكون في الغالب من إختیار أھلھا
دلوقتي الكورة بقت في ملعب البنات
یعني لازم تخرج و تشتغل و تروح أفراح وتزور أصحابھا لأن مسؤلیة إحضار عریس بقت ملقاه على عاتقھا بالكامل ..
أنا أعرف حالات كتیرة أھل البنات بیتخانقوا معاھم خناقات لرب السما عشان یخرجوا
و یشتغلوا یا إما عمرھم ما ھیتجوزوا
..
و من الجھة التانیة المجتمع في حالات كتیر و
خصوصا خارج القاھرة و الأسكندریة مابیرحمش أي بنت تخرج مع راجل عشان تتعرف علیھ
و یمكن یبقى فیھ نصیب
..
ده غیر ان الراجل نفسھ في الغالب ما بیرضاش بیھا و یقولك عایز واحدة خام لا خرجت و لا اتكلمت مع حد غیري
طب بذمتكوا البنات یعملوا ایھ
...
ده غیر العداد اللي بیعد من أول ماتتخرج من
الجامعھ
...
یعني البنت تعتبر بدأت تعنس من أول ما یعدي علیھا سنتین أو تلاتة متخرجھ و لسھ ماتخطبتش
أنا شخصیا بدأت أحس اني ھاعنس من أول ما كملت
23 سنة..
طب نعمل ایھ
بصراحة المجتمع المنیل اللي احنا عایشین فیھ و اللي بیقیم البنت بجوازتھا
واللي تتجوز بسرعة تبقة شاطرة واللي تتأخر یبقى فیھا عیب
..
و على الجھة التانیة الراجل
من حقھ ینقي و یتشرط و یبقى مقطع السمكة و دیلھا و یتقال علیھ مفتح و مدقدق
..
وواحده عندھا 18 سنة وهو یبقى معدي الأربعین و من حقھ یتجوز في أي وقت انشا
المجتمع ده ظااالم و مفتري
والبنات غلابھ و الضغط علیھم بیزید كل یوم والناس بتحاكمھم على حاجھ مالھمش ید فیھا خلیكوا معایا بقھ ..
من المرة الجایھ كل بوست ھاحكیلكم على بلوة من البلاوي اللي اتقدمولي ..
عشان تعرفوا احنا بنستحمل أد إیھ
سلام
***